കൊട്ടിയൂർ : വെങ്ങലോടി ആദിവാസി കോളനിയിൽ അഞ്ചംഗ കുടുംബം താമസിച്ചിരുന്ന ഷെഡിന് തീയിട്ടു നശിപ്പിച്ചു. പുതിയവീട്ടിൽ ചന്ദ്രനും കുടുംബവും താമസിച്ചിരുന്ന ഷെഡിനാണ് അയൽവാസിയും ബന്ധുവുമായ അനീഷ് തീ വച്ച് നശിപ്പിച്ചത്‌. ഓലയും ഷീറ്റും കൊണ്ട് നിർമ്മിച്ച ഷെഡ് ആണ് കത്തി നശിച്ചത്. ഞായറാഴ്ചയാണ് സംഭവം. ചന്ദ്രനും കുടുംബവും സ്ഥലത്തില്ലാത്ത സമയത്താണ് ഷെഡിന് തീ വച്ചത്. കുടുംബ വഴക്കാണ് അക്രമത്തിന് കാരണം. കേളകം പൊലീസ് അനീഷിനെ അറസ്റ്റ് ചെയ്തു. കൊട്ടിയൂർ പഞ്ചായത്തിലെ പന്ത്രണ്ടാം വാർഡിലാണ് വെങ്ങലോടി കോളനിയുള്ളത്. പുതിയവീട്ടിൽ ചന്ദ്രനും കുടുംബവും താമസിക്കുന്ന ഷെഡ് ഓലയും ഷീറ്റും ഉപയോഗിച്ച് നിർമിച്ചതാണ്. വീട്ടിൽ ഉണ്ടായിരുന്ന വസ്ത്രങ്ങളും ഭക്ഷ്യവസ്തുക്കളുമെല്ലാം കത്തിനശിച്ചു. തങ്ങളുടെ ആകെയുള്ള കിടപ്പാടം ആണ് കത്തി നശിപ്പിച്ചതെന്ന് ചന്ദ്രൻ്റെ ഭാര്യ അമ്മിണി പറഞ്ഞു.
The relative set fire to the shed where the five-member tribal family lived
